ഏത് അവസരത്തിനും അനുയോജ്യമായ സ്ട്രോബെറി സ്മൂത്തി

സ്ട്രോബെറിയ്ക്കൊപ്പം പാലും ഐസ്ക്രീമും ചേർത്തൊരു ഈസി സ്മൂത്തി, കുട്ടികളും മുതിർന്നവരും ഇഷ്ടപ്പെടും രുചി. വളരെ കുറച്ചു ചേരുവകൾ കൊണ്ട് എളുപ്പത്തിൽ തയാറാക്കാം.

ചേരുവകൾ

• സ്ട്രോബെറി - 12 എണ്ണം
• പാൽ - 1 കപ്പ്
• വാനില ഐസ്ക്രീം - 3 സ്കൂപ്
• പഞ്ചസാര - 3 ടീസ്പൂൺ

തയാറാക്കുന്ന വിധം

സ്ട്രോബെറി ചെറിയ കഷ്ണങ്ങളാക്കി മുറിച്ചെടുക്കുക. ഒരു മിക്സിയുടെ ജാറിലേക്കു സ്ട്രോബെറി കഷ്ണങ്ങളും പഞ്ചസാരയും അര കപ്പ് പാലും ചേർത്തു നന്നായി അടിച്ചെടുക്കുക. അടിച്ചെടുത്ത മിക്സിലേക്കു 3 സ്കൂപ്പ് വാനില ഐസ്ക്രീമും അരക്കപ്പ് പാലും ചേർത്ത് ഒന്ന് കൂടി അടിച്ചെടുക്കുക. ഈസി, ടേസ്റ്റി സ്ട്രോബറി സ്മൂത്തി റെഡി. 

Content Summary : Refreshing Strawberry smoothie for breakfast, with a slightly icy finish.