sections
MORE

ബീറ്റ്റൂട്ട് അച്ചാർ ഉണ്ടെങ്കിൽ ബിരിയാണി എത്രവേണമെങ്കിലും കഴിക്കാം

Beetroot Pickle
SHARE

നല്ലൊരു ബിരിയാണി മൂക്കുമുട്ടെ തട്ടുമ്പോൾ നാവിന് മടുപ്പ് തോന്നുന്നത് എന്തു കഷ്ടമാണ്. ഈ സമയത്ത് നമ്മുടെ രക്ഷയ്ക്കെത്തുന്നത് അച്ചാറുകളാണ്. തൊട്ടു നാവിൽ വയ്ക്കുന്നതോടെ മടുപ്പില്ലാതെ തീറ്റി തുടരാം. ബിരിയാണിയുടെ ഏറ്റവും അടുത്ത ചങ്ങാതിയാണ് ബീറ്റ്റൂട്ട് അച്ചാർ. ഈന്തപ്പഴത്തിന്റെ മധുരവും കൂട്ടിനെത്തുന്ന ഈ അച്ചാറുണ്ടെങ്കിൽ ബിരിയാണിയുടെ കൂടെ മറ്റൊന്നും വേണ്ട.

ആവശ്യമുള്ള സാധനങ്ങൾ

  • ബീറ്റ്റൂട്ട്– 250 ഗ്രാം
  • ഈന്തപ്പഴം– 250 ഗ്രാം (കുരുകളഞ്ഞത്)
  • വിനാഗിരി– 100 എംഎൽ
  • അച്ചാർപൊടി– 50 ഗ്രാം.
  • പഞ്ചസാര– 1 ടേബിൾ സ്പൂൺ
  • ഇഞ്ചി– 1 കഷണം
  • പച്ചമുളക്– 2 എണ്ണം
  • വെളുത്തുള്ളി– 5 അല്ലി
  • കായം– 1 ടിസ്പൂൺകടുക്– 1 ടിസ്പൂൺ
  • ഉലുവ– 1ടിസ്പൂൺ
  • കറിവേപ്പില– 
  • ഉപ്പ്– ആവശ്യത്തിന്
  • വെളിച്ചെണ്ണ– 1 ടേബിൾ സ്പൂൺ

തയാറാക്കുന്ന വിധം

ബീറ്റ്റൂട്ട് തോല് കളയാതെ വേവിച്ചെടുക്കുക. തോല് കളഞ്ഞാല്‍ നിറവും ഗുണവും നഷ്ടപ്പെടും. ഈന്തപ്പഴം ചൂടുവെള്ളത്തിൽ കുതിർത്തെടുത്ത ശേഷം നന്നായി അരച്ചെടുക്കുക. ഇതിൽ പഞ്ചസാരയും അച്ചാർപൊടിയും കായവും വിനാഗിരിയും ഉപ്പും ചേർത്തു കൊടുക്കാം. ഇതിനു ശേഷം തൊലി കളഞ്ഞ ബിറ്റ്റൂട്ട് അരച്ചെടുത്ത് ഇതിലേക്ക് ചേർക്കാം. നന്നായി യോജിപ്പിച്ച ശേഷം ഇഞ്ചിയും പച്ചമുളകും വെളുത്തുള്ളിയും നന്നായി അരച്ചു ചേർക്കുക. ഇവ വേണമെന്നില്ലെങ്കിൽ ഒഴിവാക്കാവുന്നതാണ്. ഇതിലേക്ക് വെളിച്ചെണ്ണയിൽ  കടുകും ഉലുവയും കറിവേപ്പിലയും പൊട്ടിച്ച് ചേർക്കാം. കൊഴുപ്പ് കൂടിയെങ്കിൽ ചൂടുവെള്ളം ചേർത്ത് നേർപ്പിക്കുക. പുളിയ്ക്ക് ആവശ്യമുള്ള വിനാഗിരിയും മധുരം കുറവാണെങ്കിൽ പഞ്ചസാരയും ചേർത്തു കൊടുക്കാം.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN RECIPES
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA