sections
MORE

ഗോതമ്പു പൊടികൊണ്ട് രുചികരമായ ദീപാവലി രുചി പക് വാൻ

pakwan
SHARE

ദീപാവലിയ്ക്ക് ഗുജറാത്തി സ്പെഷൽ പക് വാൻ തയാറാക്കിയാലോ? ചെറിയ പൂരികളായി എണ്ണയിൽ വറുത്തു കോരിയെടുക്കുന്ന രുചിക്ക് പകരം വയ്ക്കാനൊന്നും ഇല്ല.

1. ഗോതമ്പു പൊടി – ¾ കപ്പ്

  മൈദ – ¼ കപ്പ്

2. ഉപ്പ് – പാകത്തിന്

3. നെയ്യ് കൊഴുപ്പുള്ളത് – ½ കപ്പ്

   അരിപ്പൊടി – പാകത്തിന്

പാകം ചെയ്യുന്ന വിധം

∙ഗോതമ്പു പൊടിയും മൈദയും ഇടഞ്ഞു വയ്ക്കുക.

∙ഇതിലേക്ക് ഉപ്പും വെള്ളവും ചേർത്തു കുഴച്ചു കട്ടിയുള്ള മാവു തയാറാക്കണം.

∙നെയ്യിൽ അരിപ്പൊടി ചേർത്തു നന്നായി മയപ്പെടുത്തുക.

∙തയാറാക്കിയ മാവു കനം കുറച്ചു പരത്തി അതിൽ നെയ്യ് മിശ്രിതം പുരട്ടണം.

∙ഈ മാവ് ഒന്നര ഇഞ്ച് വീതിയുള്ള സ്ട്രിപ്പുകളായി മുറി ക്കുക. ഇതിൽ നിന്നും മൂന്ന്– നാലു സ്ട്രിപ്പ് വീതം എടുത്ത് ഏറ്റവും നീളമുള്ളതു താഴെ വരും വിധം  ഒന്നിനു മുകളിൽ ഒന്നായി വയ്ക്കണം.

∙ഇതു ചുരുട്ടി എടുത്ത ശേഷം മെല്ലേ അമർത്തുക.

∙ഇവ ചെറിയ പൂരികളായി പരത്തി ചൂടായ എണ്ണയിൽ ഇടത്തരം തീയിൽ കരുകരുപ്പായി വറുത്തു കോരണം.

∙വറുക്കുന്നതിനിടയിൽ പൂരിയിലേക്ക് എണ്ണ തവി കൊണ്ടു കോരി ഒഴിച്ചു കൊടുക്കണം. പൂരി ലെയറുകളായി വിട്ടു വരും.

∙ചൂടോടെ വിളമ്പാം

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN RECIPES
SHOW MORE
FROM ONMANORAMA