sections
MORE

വാഴയിലയിൽ പൊതിഞ്ഞ് പൊളളിച്ചെടുത്ത കരിമീൻ

Karimeen Pollichathu
SHARE

കുറുകിയ ചാറിൽ വാഴയിലയിൽ പൊതിഞ്ഞ് ആവികയറ്റിയ കരിമീൻ...ആഹാ നാവിൽ കപ്പലോടാൻ വേറെന്തു വേണം. കരിമീൻ രുചിക്കൂട്ട് വായിക്കാം.

ചേരുവകൾ

1. ഇടത്തരം കരിമീൻ - രണ്ട്
2. സവാള - കാൽ കിലോ
ഇഞ്ചി - ഒരു കഷണം
വെളുത്തുള്ളി - ഒരു കുടം
പച്ചമുളക് - നാല്
3.തക്കാളി (ചെറുതായി അരിഞ്ഞത്)- നാല്
4. മുളകുപൊടി - ഒന്നര വലിയ സ്പൂൺ
മഞ്ഞൾപ്പൊടി - കാൽ ചെറിയ സ്പൂൺ
കുരുമുളകുപൊടി - അര ചെറിയ സ്പൂൺ
ജീരകം - കാൽ ചെറിയ സ്പൂൺ
5. വിനാഗിരി - രണ്ടു വലിയ സ്പൂൺ
6. ഉപ്പ് - പാകത്തിന്
7. വെളിച്ചെണ്ണ - നാലു വലിയ സ്പൂൺ
8. കറുവാപ്പട്ട - രണ്ടു ചെറിയ കഷണം

പാകം ചെയ്യുന്ന വിധം

∙ മീൻ വൃത്തിയാക്കി, നന്നായി കഴുകി വരഞ്ഞു വെള്ളം വാലാൻ വയ്ക്കുക.

∙ സവാള, ഇഞ്ചി, വെളുത്തുള്ളി,പച്ചമുളക് എന്നിവ ചെറുതായി അരിയുക. മുളകുപൊടി, മഞ്ഞൾപ്പൊടി, കുരുമുളകുപൊടി, ജീരകവും വിനാഗിരി ചേർത്തു മയത്തിൽ അരയ്ക്കുക.

∙ ഉരുളിയിൽ വെളിച്ചെണ്ണ ചൂടാക്കി, കറുവാപ്പട്ട മൂപ്പിച്ച് കോരുക. സവാള, ഇഞ്ചി, വെളുത്തുള്ളി,പച്ചമുളകും ചേർത്തു വഴറ്റുക. സവാള വഴന്നശേഷം അരപ്പു ചേർത്തു ചെറുതീയിൽ നന്നായി വഴറ്റണം. പച്ചമണം മാറുമ്പോൾ,  തക്കാളി ചേർത്തു വീണ്ടും വഴറ്റുക.

∙ മൂത്ത അരപ്പിൽ, രണ്ടു കപ്പു തീളച്ചവെള്ളം ഒഴിച്ച്, അരപ്പു തിളയ്ക്കുമ്പോൾ, ഉപ്പും ബാക്കിയുള്ള വിനാഗിരിയും ചേർത്തിളക്കുക. മീൻ ചേർത്തു വേവിച്ചു ചാറു നന്നായി കുറുകുമ്പോൾ വാങ്ങുക.

ഈ മീൻ, മസാലയോടു കൂടി, വാഴയിലയിൽ പൊതിഞ്ഞു, വാഴനാരു കൊണ്ടു കെട്ടിയശേഷം തവയിൽ ചുട്ടെടുക്കുക.

English Summary: Karimeen Pollichathu Recipe

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN RECIPES
SHOW MORE
FROM ONMANORAMA