വാഴപ്പൂവ് തോരൻ, വറുത്തരച്ച കൂട്ടുകറി, എരിശ്ശേരി... രുചിയേറും പൊന്നോണം

ഓണസദ്യ ഗംഭീരമാക്കാൻ 3 വിശിഷ്ട വിഭവങ്ങളുടെ രുചിക്കൂട്ട്

വാഴപ്പൂവ് തോരൻ
1.വെളിച്ചെണ്ണ - നാലു െചറിയ സ്പൂൺ
2.കടുക് - അര െചറിയ സ്പൂൺ
ഉഴുന്നുപരിപ്പ് - കാൽ െചറിയ സ്പൂൺ
വറ്റൽമുളക് - നാല്(കഷണങ്ങളാക്കിയത്)
3. സവാള -100 ഗ്രാം, പൊടിയായി അരിഞ്ഞത്
ഇഞ്ചി പൊടിയായി അരിഞ്ഞത് - 20 ഗ്രാം
വെളുത്തുള്ളി പൊടിയായി അരിഞ്ഞത് - 20 ഗ്രാം
പച്ചമുളകു പൊടിയായി അരിഞ്ഞത് - 20 ഗ്രാം
കറിവേപ്പില - ഒരു തണ്ട്
4.മഞ്ഞൾപ്പൊടി - കാൽ െചറിയ സ്പൂൺ
ഉപ്പ് - പാകത്തിന്
5.വാഴപ്പൂവ്- 200 ഗ്രാം, പൊടിയായി അരിഞ്ഞു െവള്ളത്തിലിട്ടു വയ്ക്കുക
6. തേങ്ങ - ഒന്നിന്റെ പകുതി(ചുരണ്ടിയത് )
ചുവന്നുള്ളി - അഞ്ച്
ജീരകം - കാൽ െചറിയ സ്പൂൺ
പച്ചമുളക് - രണ്ട്
കറിവേപ്പില - ഒരു തണ്ട്

പാകം െചയ്യുന്ന വിധം

∙എണ്ണ ചൂടാക്കി രണ്ടാമത്തെ േചരുവ മൂപ്പിച്ച ശേഷം മൂന്നാമത്തെ േചരുവ വഴറ്റുക.

∙ഇതിലേക്കു മഞ്ഞൾപ്പൊടിയും ഉപ്പും കഴുകി വാരിയ വാഴപ്പൂവും േചർത്തിളക്കി വേവിക്കുക. ആറാമത്തെ ചേരുവ ചതച്ചതു ചേർത്തിളക്കി വെള്ളം വറ്റിച്ചെടുക്കണം.

വറുത്തരച്ച കൂട്ടുകറി

1.കടല - 50 ഗ്രാം(കുതിർത്തത്)
സവാള അരിഞ്ഞത് - അഞ്ചു െചറിയ സ്പൂൺ
ഇഞ്ചി അരിഞ്ഞത് - അഞ്ചു െചറിയ സ്പൂൺ
വെളുത്തുള്ളി അരിഞ്ഞത് - അഞ്ചു െചറിയ സ്പൂൺ
മുളകുപൊടി- അര െചറിയ സ്പൂൺ
മഞ്ഞൾപ്പൊടി- കാൽ െചറിയ സ്പൂൺ
മല്ലിപ്പൊടി - രണ്ടു െചറിയ സ്പൂൺ
2.കാരറ്റ് - ഒന്ന്
പച്ചക്കായ - ഒന്ന്
ഉരുളക്കിഴങ്ങ് - രണ്ട്
ചേന - ഒരു കഷണം
ബീൻസ് - 10
പടവലങ്ങ - ഒന്നിന്റെ കാൽഭാഗം
3.തേങ്ങ ചുരണ്ടി എണ്ണയില്ലാതെ വറുത്തരച്ചത് - അരക്കപ്പ്
4.വാളൻപുളി പിഴിഞ്ഞത് - ഒന്നര വലിയ സ്പൂൺ
ശർക്കര ഉരുക്കിയത് - ഒരു വലിയ സ്പൂൺ
ഉപ്പ് - പാകത്തിന്
5.വെളിച്ചെണ്ണ - ഒരു െചറിയ സ്പൂൺ
6.കടുക് - ഒരു െചറിയ സ്പൂൺ
തേങ്ങാക്കൊത്ത് - കാൽ കപ്പ്
ചുവന്നുള്ളി - 10, അരിഞ്ഞത്
വറ്റൽമുളക് - മൂന്ന്
കറിവേപ്പില - രണ്ടു തണ്ട്

പാകം െചയ്യുന്ന വിധം

∙ഒന്നാമത്തെ േചരുവ യോജിപ്പിച്ചു വേവിക്കുക. രണ്ടാമത്തെ േചരുവ (പച്ചക്കറികൾ) കടലയുടെ വലുപ്പത്തിൽ അരിയണം.

∙കടല പകുതി വേവാകുമ്പോൾ പച്ചക്കറികൾ േചർത്തു വേവിക്കുക.

∙പച്ചക്കറികൾ വേവുമ്പോൾ വറുത്തരച്ച തേങ്ങയും പുളിയും ശർക്കരയും േചർത്തു നന്നായി യോജിപ്പിക്കണം. ഇതിലേക്കു പാകത്തിന് ഉപ്പു ചേർത്തു വറ്റിച്ചെടുക്കണം.

∙വെളിച്ചെണ്ണ ചൂടാക്കി ആറാമത്തെ േചരുവ മൂപ്പിച്ചു കറിയിൽ േചർക്കുക.

എരിശ്ശേരി

1.വൻപയർ - അരക്കപ്പ് (കുതിർത്തത്)
സവാള - ഒന്ന്, പൊടിയായി അരിഞ്ഞത്
ഇഞ്ചി പൊടിയായി അരിഞ്ഞത് - അഞ്ചു െചറിയസ്പൂൺ
പച്ചമുളക് - നാല്, നീളത്തിൽ അരിഞ്ഞത്
മഞ്ഞൾപ്പൊടി - അര വലിയ സ്പൂൺ
മുളകുപൊടി - അര വലിയ സ്പൂൺ
ഉപ്പ് - പാകത്തിന്
വെള്ളം - ഒരു കപ്പ്
2.മത്തങ്ങ - അരക്കിലോ
3.തേങ്ങ ചുരണ്ടിയത് - അരക്കപ്പ്
ചുവന്നുള്ളി - അഞ്ച്
ജീരകം - അര െചറിയ സ്പൂൺ
കറിവേപ്പില - ഒരു തണ്ട്
പച്ചമുളക് - രണ്ട്
4.കുരുമുളകുപൊടി - അര െചറിയ സ്പൂൺ
5.വെളിച്ചെണ്ണ - രണ്ടു വലിയ സ്പൂൺ
6.കടുക് - ഒരു െചറിയ സ്പൂൺ
ചുവന്നുള്ളി - അഞ്ച്, അരിഞ്ഞത്
വറ്റൽമുളക് - രണ്ട്
തേങ്ങ ചുരണ്ടിയത് - രണ്ടു വലിയ സ്പൂൺ

പാകം െചയ്യുന്ന വിധം

∙ഒന്നാമത്തെ േചരുവ യോജിപ്പിച്ചു വേവിക്കുക. പയർ പകുതി വേവാകുമ്പോൾ മത്തങ്ങ േചർത്തു വേവിക്കണം
∙നന്നായി വെന്ത ശേഷം മൂന്നാമത്തെ ചേരുവ അരച്ചതും കുരുമുളകുപൊടിയും േചർത്തിളക്കി ഉപ്പും എരിവും പാകത്തിനാക്കുക.
∙എണ്ണ ചൂടാക്കി ആറാമത്തെ േചരുവ മൂപ്പിച്ചു തേങ്ങ ഇളംബ്രൗൺ നിറമാകുമ്പോൾ വേവിച്ചു വച്ചിരിക്കുന്ന കറിയുടെ മുകളിൽ വിതറുക.

English Summary : Onam Special Recipe for Sadya.