ഹൽ‍ദി ആഘോഷമാക്കി റബേക്ക സന്തോഷ്; ചിത്രങ്ങള്‍

സീരിയൽ താരം റബേക്ക സന്തോഷിന്റെ ഹാൽദി ആഘോഷമാക്കി സുഹൃത്തുക്കളും സഹപ്രവർത്തകരും. സ്വകാര്യ ഹോട്ടലിലായിരുന്നു പരിപാടികൾ. സംവിധായകൻ ശ്രീജിത്ത് വിജയനുമായി നവംബർ 1ന് ആണ് റബേക്കയുടെ വിവാഹം. 

മഞ്ഞ ലെഹങ്കയും ചുവപ്പ് ബ്ലൗസുമായിരുന്നു റബേക്കയുടെ വേഷം. ചടങ്ങുകൾക്കുശേഷം വിവിധ നിറങ്ങൾ പരസ്പം എറിഞ്ഞ് സുഹൃത്തുക്കളും സഹപ്രവർത്തകരും ഹൽദി ആഘോഷമാക്കി. ഇതിന്റെ ചിത്രങ്ങൾ സമൂഹമാധ്യമങ്ങളിൽ വൈറലാണ്. പാട്ടും നൃത്തവും ഉൾപ്പടെ വിവാഹത്തിന്റെ തലേന്ന് പരിപാടികള്‍ സംഘടിപ്പിച്ചിരുന്നു. സിനിമതാരങ്ങൾ ഉൾപ്പടെ ചടങ്ങിൽ പങ്കെടുത്തു. 

ഈ വർഷം ഫെബ്രുവരി ഫെബ്രുവരി 14ന് ആയിരുന്നു ഇവരുടെ വിവാഹനിശ്ചയം. തൃശൂർ സ്വദേശിനിയാണ് റബേക്ക. കുഞ്ഞിക്കൂനൻ എന്ന സീരിയലിലൂടെയാണ് അഭിനയരംഗത്തെന്നുന്നത്. കസ്തൂരിമാൻ എന്ന സീരിയലിലെ കാവ്യ എന്ന കഥാപാത്രത്തിലൂടെയാണ് പ്രശസ്തയാകുന്നത്. മാർഗംകളി എന്ന സിനിമയുടെ സംവിധായകനാണ് ശ്രീജിത്ത്. എഴുത്തുകാരനും സിനിമറ്റോഗ്രഫറുമാണ്.