ADVERTISEMENT

മഴവിൽ മനോമയിൽ സംപ്രേഷണം ചെയ്ത ‘നായികാ നായകൻ’ എന്ന റിയാലിറ്റി ഷോയിലൂടെ മലയാളികൾക്ക് പ്രിയപ്പെട്ട മാളവിക കൃഷ്ണദാസും തേജസും വിവാഹിതരായി. കൊച്ചി എളമക്കര ഭാസ്കരീയം കൺവെൻഷൻ സെന്ററിൽ‌ വച്ച് അത്യാഢംബരമായാണ് ചടങ്ങുകൾ നടന്നത്. ഇരുവർക്കും ആശംസകൾ നേരാനായി ‌സിനിമാ സീരിയൽ ലോകത്തെ നിരവധി പേരെത്തി. റിയാലിറ്റി ഷോയിലൂടെയുള്ള ബന്ധമാണ് ഇരുവരെയും ഒന്നിപ്പിച്ചത്. എന്നാൽ തങ്ങളുടേത് പ്രണയ വിവാഹമല്ലെന്ന് മാളവിക നേരത്തെ വ്യക്തമാക്കിയിരുന്നു. 

ചുവപ്പു സാരിയിൽ പരമ്പരാഗത ഡിസൈനിലുള്ള സ്വർണ ആഭരണങ്ങളണിഞ്ഞ് അതിമനോഹരിയായാണ് മാളവിക വിവാഹത്തിനൊരുങ്ങിയത്. വിവാഹ വിശേഷങ്ങളെല്ലാം തന്നെ മാളവിക സോഷ്യൽ മീഡിയയിൽ പങ്കുവച്ചിരുന്നു. ഹൽദി ദിനത്തിലെയും റിസപ്ഷന്റെയുമെല്ലാം വിഡിയോ സോഷ്യൽ മീഡിയയിൽ ട്രെന്റിങ്ങായിരുന്നു.  

Read More: നാടൻ ലുക്കിൽ അഴകോടെ ‘നായികയും നായകനും’, പ്രീവെഡ്ഡിങ്ങ് ചിത്രങ്ങളുമായി മാളവിക കൃഷ്ണദാസ്

അഭിനയത്തിനോടൊപ്പം നൃത്തത്തിനും പ്രാധാന്യം നൽകുന്ന മാളവിക നിരവധി ഡാൻസ് റിയാലിറ്റി ഷോകളിലും പങ്കെടുത്തിട്ടുണ്ട്. ‘നായികാ നായകൻ’ എന്ന റിയാലിറ്റി ഷോയ്ക്ക് ശേഷം ഇരുവരും ഒന്നിച്ച് കുഞ്ചാക്കോ ബോബൻ നായകനായ ‘തട്ടിൻ പുറത്ത് അച്ചുതൻ’ എന്ന സിനിമയിലും അഭിനയിച്ചിരുന്നു. 

Content Summary: Malavika Krishnadas and Thejas got Married

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com