മൊസാദും ബെഞ്ചമിനും അന്നേ നോട്ടമിട്ടു! ആറ്റം ബോംബിന്റെ പിതാവിനെ കൊല്ലാന്‍, ക്വട്ടേഷൻ ട്രംപിന്റേതോ?

ഇറാനിലെ ആണവ ബോംബിന്റെ പിതാവ് എന്ന് അറിയപ്പെട്ടിരുന്ന മുൻ ഇറാനിയൻ ആണവ ശാസ്ത്രജ്ഞൻ മൊഹ്സീന്‍ ഫക്രിസദേ റോഡിൽ വെടിയേറ്റ് കൊല്ലപ്പെട്ടു. പ്രാദേശിക സമയം വെള്ളിയാഴ്ച ഉച്ചതിരിഞ്ഞായിരുന്നു സംഭവം. ഇസ്രയേലിന്റെ ഉന്നത രഹസ്യാന്വേഷണ ഏജൻസിയായ മൊസാദാണ് കൊല നടത്തിയതെന്ന് ആരോപണം ശക്തമാണ്. എന്നാൽ, കൊലപാതകത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല. ഇറാനിലെ വിവാദമായ ആണവ പദ്ധതിക്കെതിരെ ചില രഹസ്യ ദൗത്യങ്ങൾ ഡൊണാൾഡ് ട്രംപിന്റെ ഭരണകൂടം അടുത്ത വർഷം പ്രസിഡന്റ്-ജോ ജോ ബെയ്ഡൻ കൈമാറുന്നതിന് മുൻപ് പരിഗണിക്കുന്നുണ്ടെന്ന റിപ്പോർട്ടിനിടെയാണ് ഈ വധം നടന്നിരിക്കുന്നത്. ഇറാന്റെ ആണവ പ്രവർത്തനങ്ങൾ സംബന്ധിച്ച് ഒരു ബഹുരാഷ്ട്ര കരാറിൽ വീണ്ടും ചേരാൻ ബെയ്ഡൻ ക്യാംപ് താൽപര്യം പ്രകടിപ്പിച്ചു കഴിഞ്ഞു. എന്നാൽ, ഇറാനുമായുളള ആണവ കരാറിൽ നിന്ന് 2018 ൽ ട്രംപ് പിന്മാറിയിരുന്നു. പോകുന്ന പോക്കിൽ ഇതിനു ശക്തമായ തിരിച്ചടി നൽകി പിൻമാറാനാണ് ട്രംപിന്റെ നീക്കമെന്നും സൂചനയുണ്ട്. ഇതിന്റെ ഭാഗമായാണ് ആണവ ശാസ്ത്രജ്ഞനെ വധിച്ച് വീണ്ടും പ്രകോപനം സൃഷ്ടിച്ചിരിക്കുന്നതെന്നും സൂചനയുണ്ട്.

രാജ്യ തലസ്ഥാനമായ ടെഹ്റാനിൽ നിന്ന് 50 മൈൽ കിഴക്കായി അബ്സാർഡ് നഗരത്തിലാണ് മൊഹ്സീന്‍ ഫക്രിസദേ കൊല്ലപ്പെട്ട ആക്രമണം നടന്നത്. സംഭവങ്ങളുടെ കൃത്യമായ നെറ്റ്‌വർക്ക് പൂർണമായും ഇപ്പോഴും വ്യക്തമല്ല, എന്നാൽ ഇറാനിലെ ശക്തമായ ഇസ്‌ലാമിക് റെവല്യൂഷൻ ഗാർഡ് കോർപ്സുമായി (ഐആർജിസി) ബന്ധമുള്ള ന്യൂസ് ഏജൻസിയുടെ റിപ്പോർട്ട് പ്രകാരം ഒരു സ്ഫോടനം കേട്ടെന്നും തുടർന്ന് വെടിവയ്പുണ്ടായതായും പറയുന്നുണ്ട്.

സോഷ്യൽ മീഡിയയിൽ ഇപ്പോൾ പുറത്തുവന്ന വിഡിയോകളിലും ഫോട്ടോകളിലും കറുത്ത നിസ്സാൻ കാണിക്കുന്നുണ്ട്. ഇത് മൊഹ്സീന്‍ ഫക്രിസദേ സഞ്ചരിച്ചിരുന്ന വാഹനമാണെന്ന് തോന്നുന്നു. വാഹനത്തിന്റെ മുൻഭാഗത്ത് ബുള്ളറ്റ് ദ്വാരങ്ങളും കാറിനടുത്ത് നിലത്ത് രക്തവും കാണാം. മറ്റൊരു വാഹനം വന്നിടിച്ചാണ് സ്‌ഫോടനമുണ്ടായതെന്നും പറയുന്നു. ആക്രമണത്തിൽ മൂന്നോ നാലോ പേർ മരിച്ചുവെന്നാണ് റിപ്പോർട്ട്. എന്നാൽ ആരാണ് മരിച്ചതെന്നോ, ആകെ മരിച്ചവരുടെ എണ്ണമോ കൃത്യമായ കണക്കുകൾ പുറത്തുവന്നിട്ടില്ല. മൊഹ്സീന്‍ ഫക്രിസദേയുടെ കുടുംബാംഗങ്ങളാണ് കാറിലുണ്ടായിരുന്നതെന്നും റിപ്പോർട്ടുകളുണ്ട്.

പ്രായോഗികവും പ്രതീകാത്മകവുമായ വീക്ഷണകോണിൽ നിന്ന് നോക്കുമ്പോൾ മൊഹ്സീന്‍ ഫക്രിസദേയുടെ മരണത്തിന് പിന്നിൽ നിരവധി നിഗൂഢതകളുണ്ടെന്ന് മനസ്സിലാകും. 1989 ൽ ആദ്യമായി തുടങ്ങിയ ഒരു അണുബോംബ് വികസിപ്പിക്കുന്നതുമായി ബന്ധപ്പെട്ട് അന്ന് മുതൽക്കെ യുഎസും ഇസ്രയേൽ രഹസ്യാന്വേഷണ ഏജൻസികളും അദ്ദേഹത്തെ നിരീക്ഷിക്കുന്നുണ്ട്. ഇറാനിലെ ആണവായുധ പദ്ധതിയായ പ്രോജക്ട് അമാദിന് പിന്നിൽ അദ്ദേഹം പ്രവർത്തിപ്പിച്ചതായി പറയപ്പെടുന്നു. 2003 ൽ ഇത് നിർത്തുകയും ചെയ്തു.

ഇതിനുശേഷം, ഐ‌ആർ‌ജി‌സി ഓഫിസർ ആയി സ്ഥാനമേറ്റ മൊഹ്സീന്‍ ഫക്രിസദേ നിരവധി ആണവ ഗവേഷണ-വികസന ശ്രമങ്ങളുടെ ചുമതല വഹിച്ചിരുന്നു. യു‌എസും ഇസ്രയേലി സർക്കാരുകളും ഈ ആണവപദ്ധതികൾക്ക് ഇരട്ട ഉപയോഗമാണെന്നും തുടർച്ചയായ ആണവായുധ വികസനത്തിനുള്ള മറയായി വർത്തിക്കുന്നുവെന്നും വാദിച്ചിരുന്നു. മൊഹ്സീന്‍ ഫക്രിസദേ അടുത്തിടെയാണ് ഓർഗനൈസേഷൻ ഓഫ് ഡിഫെൻസീവ് ഇന്നൊവേഷൻ ആൻഡ് റിസർച്ചിന്റെ തലവനായി സ്ഥാനമേറ്റത്. 2018 ൽ, ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹു ഇദ്ധേഹത്തിന്റെ പേര് എടുത്തുപറഞ്ഞിരുന്നു. ഇസ്രയേൽ രഹസ്യാന്വേഷണ പ്രവർത്തകർ ഇറാനിൽ നിന്ന് ചോർത്തിയ ന്യൂക്ലിയർ സംബന്ധമായ രേഖകൾ വെളിപ്പെടുത്തുന്നതിനിടെയാണ് ഇറാന്റെ ആണവ പിതാവിനെയും ശ്രദ്ധയിൽപ്പെടുത്തിയത്.

പ്രോജക്റ്റ് അമാദ് ഔദ്യോഗികമായി അവസാനിച്ച് ആറ് വർഷത്തിന് ശേഷവും ഇറാൻ ആണവായുധങ്ങൾ നിർമാണം തുടർന്നു എന്നതിന് തെളിവുകളൊന്നും ലഭിച്ചിട്ടില്ലെന്ന് നെതന്യാഹുവിന്റെ വാർത്താസമ്മേളനത്തിന് ശേഷം യുണൈറ്റഡ് നേഷൻസ് ഇന്റർനാഷണൽ ആറ്റോമിക് എനർജി ഏജൻസി (ഐ‌എ‌ഇ‌എ) പറഞ്ഞു. അതേസമയം, ആണവപ്രവർത്തനങ്ങളുടെ സാന്നിധ്യം ഇറാനിയൻ സർക്കാർ നിഷേധിച്ച ഒന്നിലധികം സംഭവങ്ങളെക്കുറിച്ച് ഐ‌എ‌ഇ‌എ റിപ്പോർട്ട് ചെയ്യുകയും ചെയ്തിരുന്നു.

മൊഹ്സീന്‍ ഫക്രിസദേയുടെ കൊലപാതകത്തിനു പിന്നിൽ ഇസ്രയേൽ രഹസ്യാന്വേഷണ ഏജൻസി മൊസാദാണെന്ന് ന്യൂയോർക്ക് ടൈംസ് റിപ്പോർട്ട് ചെയ്തു. 2010 നും 2012 നും ഇടയിൽ മൊസാദിന് മറ്റു നാല് ഇറാനിയൻ ആണവ ശാസ്ത്രജ്ഞരെ വധിക്കാനും മറ്റുളളവരെ വധിക്കാൻ ശ്രമിച്ചതുമായും ബന്ധമുണ്ടെന്നത് ഓർമിക്കേണ്ടതാണ്. ഈ കൊലപാതകങ്ങളിൽ രണ്ടെണ്ണം ഇരയുടെ കാറിൽ ബോംബുകൾ ഘടിപ്പിച്ചായിരുന്നു. മറ്റൊന്ന് സമീപത്ത് ഒരു മോട്ടോർബൈക്കിൽ ബോംബ് ഘടിപ്പിച്ചായിരുന്നു. മൂന്നാമത്തേത് മോട്ടോർ സൈക്കിളിലെത്തിയ തോക്കുധാരികൾ വധിക്കുകയായിരുന്നു.

മൊസാദ് 2007 ൽ മറ്റൊരു ആണവ ശാസ്ത്രജ്ഞനെയും കൊലപ്പെടുത്തിയിരിക്കാം. 2015 ൽ ഒരു ആണവ ശാസ്ത്രജ്ഞനെതിരായ മറ്റൊരു കൊലപാതക ശ്രമം പരാജയപ്പെടുത്തിയെന്ന് ഇറാൻ അവകാശപ്പെട്ടു. എന്നാൽ ലക്ഷ്യമിട്ട വ്യക്തിയെക്കുറിച്ചോ ഗൂഢാലോചനയെക്കുറിച്ച് മറ്റേതെങ്കിലും വിശദാംശങ്ങളെക്കുറിച്ചോ തിരിച്ചറിഞ്ഞിട്ടില്ല. ഇറാന്റെ ആണവ പദ്ധതിയെ 2010-ൽ റിപ്പോർട്ട് ചെയ്ത സംയുക്ത യുഎസ്-ഇസ്രയേൽ ഓപ്പറേഷനായ സ്റ്റക്സ്നെറ്റ് കംപ്യൂട്ടർ വൈറസും കുപ്രസിദ്ധമാണ്.

ഓഗസ്റ്റിൽ മുതിർന്ന അൽ ഖ്വയ്ദ തീവ്രവാദിയായ അബു മുഹമ്മദ് അൽ മസ്രിയെ വധിച്ചതും മൊസാദായിരുന്നു. 1998 ൽ കെനിയയിലെയും ടാൻസാനിയയിലെയും യുഎസ് എംബസികൾക്കെതിരായ ആക്രമണം ആസൂത്രണം ചെയ്തതിന്റെ ഉത്തരവാദിത്തമുള്ളവരിൽ ഒരാളാണെന്ന് ആരോപിക്കപ്പെടുന്ന അൽ മസ്രി, ഇറാനിയൻ സർക്കാർ നൽകിയ ഒരു ഐഡന്റിറ്റി പ്രകാരമാണ് രാജ്യത്ത് താമസിച്ചിരുന്നതെന്ന് റിപ്പോർട്ടുണ്ട്.

ഈ വർഷം ആദ്യം ഇറാനിലെ വിവിധ സൈറ്റുകളിൽ ദുരൂഹമായ സ്ഫോടനങ്ങളും തീപിടുത്തങ്ങളും ഉണ്ടായിരുന്നു. ഇതിൽ നതാൻസിലെ വിപുലമായ യുറേനിയം സമ്പുഷ്ടീകരണ കേന്ദ്രത്തിലെ സ്ഫോടനവും ഉൾപ്പെടും. അമേരിക്കൻ രഹസ്യാന്വേഷണ ഏജൻസികളുടെ സഹായത്തോടെ ഇസ്രയേൽ പ്രവർത്തകർ നടത്തിയ ആക്രമണങ്ങളായിരുന്നു ഇതെന്ന് റിപ്പോർട്ടുകൾ ഉണ്ടായിരുന്നു.

മൊഹ്സീന്‍ ഫക്രിസദേ വധിക്കപ്പെട്ടതോടെ ഇറാനിലെ ഏറ്റവും പരിചയസമ്പന്നരായ ആണവ വിദഗ്ധരിൽ ഒരാളെയാണ് ഇല്ലാതായത്. എന്നാലും രാജ്യത്തിന്റെ ആണവ പദ്ധതി ഒരു വ്യക്തിയേക്കാളും വളരെ വലുതാണെന്നാണ് അറിയുന്നത്. രാജ്യത്തെ ഏറ്റവും മുതിർന്ന ആണവ, മറ്റ് ഉദ്യോഗസ്ഥർ പോലും ആക്രമണത്തിൽ നിന്ന് സുരക്ഷിതരല്ലെന്ന സന്ദേശവും ഈ സംഭവം സൂചന നൽകുന്നു.

അടുത്ത വർഷം ബെയ്ഡൻ അധികാരമേറ്റെടുക്കുന്നതിനുമുൻപ് തന്നെ ഇറാന്റെ ആണവ പദ്ധതിക്കെതിരെ യുഎസ് ആക്രമണം നടത്താൻ സാധ്യതയുണ്ടെന്ന് ഇസ്രയേൽ ഉദ്യോഗസ്ഥർ വെളിപ്പെടുത്തിയതിനു തൊട്ടുപിന്നാലെയാണ് കൊലപാതകം. ഇറാന്റെ ആണവ കേന്ദ്രത്തിനെതിരെ സൈനിക ആക്രമണം നടത്താനുള്ള സാധ്യതയെക്കുറിച്ച് ട്രംപ് അടുത്തിടെ അന്വേഷിച്ചതായി ന്യൂയോർക്ക് ടൈംസ് റിപ്പോർട്ട് ചെയ്തിരുന്നു. ഇത് ഇറാനെ ലക്ഷ്യം വച്ചുള്ള ഒരു സിഗ്നലായി കാണുന്നു.

ഈ കൊലപാതകത്തിനെതിരായി പ്രതികാരം ചെയ്യുമെന്ന് ഐ‌ആർ‌ജി‌സി ഇതിനകം തന്നെ ഭീഷണിപ്പെടുത്തിയിട്ടുണ്ട്. ‘അവരുടെ രാഷ്ട്രീയ ജീവിതത്തിന്റെ അവസാന നാളുകളിൽ, സഖ്യകക്ഷികൾ (പ്രസിഡന്റ് ട്രംപിന്റെ ഭരണത്തെ അർഥമാക്കാൻ ആഗ്രഹിക്കുന്നു), സയണിസ്റ്റുകൾ [ഇസ്രയേൽ] ഇറാനിൽ സമ്മർദ്ദം ശക്തമാക്കാനും ഒരു സമ്പൂർണ യുദ്ധം സൃഷ്ടിക്കാനും ശ്രമിക്കുന്നു,’ എന്നാണ് ഇറാന്റെ പരമോന്നത നേതാവ് ആയത്തുല്ല അലി ഖമേനി ട്വീറ്റ് ചെയ്തത്.

ഇറാന്റെ ആണവ ബോംബിന്റെ പിതാവിന്റെ കൊലപാതകം രാജ്യത്തിന്റെ ആണവ അഭിലാഷങ്ങൾക്കപ്പുറത്ത് ഗുരുതരമായ പ്രത്യാഘാതങ്ങളുണ്ടാക്കുമെന്നാണ് മിക്കവരും പറയുന്നത്. ഇത്തരത്തിലുള്ള കൂടുതൽ ആക്രമണങ്ങൾ, അല്ലെങ്കിൽ മറ്റ് തരത്തിലുള്ള രഹസ്യ പ്രവർത്തനങ്ങൾ ഏതു നിമിഷവും നടക്കാമെന്നാണ് നിരീക്ഷകർ പറയുന്നത്.

English Summary: Iran- Fakhrizadeh’s assassination