ഈ ആഴ്ച ഓരോ നക്ഷത്രക്കാർക്കും എങ്ങനെ? സമ്പൂർണ നക്ഷത്രഫലം– കാണിപ്പയ്യൂർ

അശ്വതി: ‌വ്യക്തിതാൽപര്യ പ്രകാരം പ്രവർത്തിക്കുവാൻ നിർബന്ധിതനാകുമെങ്കിലും നിയമങ്ങളും വ്യവസ്ഥകളും ഒഴിവാക്കരുത്. പഠിച്ച വിഷയത്തോടനുബന്ധമായ ഉദ്യോഗത്തിന് നിയമനാനുമതി ലഭിക്കും. 

ഭരണി: പുനരാലോചനയിൽ വിദേശബന്ധമുള്ള വ്യാപാര വിതരണരംഗങ്ങളിൽ നിന്നു പിന്മാറും. യുക്തിപൂർവം ചിന്തിച്ച് പ്രവർത്തിച്ചാൽ എല്ലാ പ്രതിസന്ധികളെയും തരണം ചെയ്യുവാൻ സാധിക്കും. 

കാർത്തിക: പ്രവർത്തനമണ്ഡലങ്ങളിൽ പുതിയ വഴിത്തിരിവുകൾ വന്നുചേരും. വിദഗ്ധോപദേശം സ്വീകരിച്ച് ഹ്രസ്വകാല പദ്ധതികളിൽ പണം നിക്ഷേപിക്കും. 

രോഹിണി: അവധിയെടുത്ത് മംഗളകർമങ്ങളിൽ പങ്കെടുക്കും. പുത്രന്റെ നിർബന്ധത്താൽ പൂർവികസ്വത്ത് ഭാഗം വയ്ക്കുവാൻ സാധിക്കും. ചിന്തകൾക്കതീതമായി പ്രവർത്തിക്കുവാൻ സാധിക്കും. 

മകയിരം: ഊഹക്കച്ചവടത്തിൽ നഷ്ടം സംഭവിക്കും. സൗഹൃദസംഭാഷണത്തിൽ പുതിയ കർമമേഖലകൾ തുടങ്ങുവാനുള്ള ആശയമുദിക്കും. 

തിരുവാതിര: അധിവാസ ഗൃഹത്തോടനുബന്ധമായ പട്ടണത്തിലേക്ക് ഉദ്യോഗമാറ്റമുണ്ടാകും. സാമ്പത്തികവിഭാഗത്തിൽ കൂടുതൽ ശ്രദ്ധകേന്ദ്രീകരിക്കുവാൻ നിർബന്ധിതനാകും. 

പുണർതം: പുനരാലോചനയിൽ വിദേശ ഉദ്യോഗം ഉപേക്ഷിച്ച് ജന്മനാട്ടിൽ വ്യാപാരം തുടങ്ങുവാൻ തീരുമാനിക്കും. സമ്മാന പദ്ധതികളിലും നറുക്കെടുപ്പിലും വിജയിക്കും. 

പൂയം:വിട്ടുവീഴ്ചാ മനോഭാവത്താല്‍ കുടുംബത്തിൽ സ്വസ്ഥതയും സമാധാനവും ദാമ്പത്യ സൗഖ്യവും ഉണ്ടാകും. റോഡുവികസനമുണ്ടെന്നറിഞ്ഞതിനാൽ ഭൂമി വിൽപന തൽക്കാലം നിർത്തി വയ്ക്കും. 

ആയില്യം: സമയോചിതമായ ഇടപെടലുകളാൽ ഉന്നതാധികാരികളിലുള്ള ദുസ്സംശയങ്ങൾ ഒഴിവാകും. പുത്രന്റെ ഉന്നതിയിൽ ആത്മാഭിമാനം തോന്നും.  

മകം: പുതിയ കരാറു ജോലികളിൽ ഒപ്പുവയ്ക്കുവാനിടവരും. വിദേശ ഉദ്യോഗത്തിന് തുല്യതയോടു കൂടിയത് ജന്മനാട്ടിൽ ലഭിക്കും. 

പൂരം: തൊഴിൽ മേഖലകളോട് ബന്ധപ്പെട്ട് ദൂരയാത്രകളും ചർച്ചകളും വേണ്ടിവരും. സ്ഥാനമാനങ്ങളും ആനുകൂല്യങ്ങളും വർധിക്കുന്ന ഉദ്യോഗത്തിന് നിയമനാനുമതി ലഭിക്കും. 

ഉത്രം: ഭൗതിക ജീവിതത്തിലുള്ള വിരക്തി ആധ്യാത്മികാത്മീയ ചിന്തകളെ വർധിപ്പിക്കും. പരസ്പരവിരുദ്ധമായ പ്രവർത്തനങ്ങളാൽ മാതാപിതാക്കളിൽ നിന്നു ശകാരം കേൾക്കുവാനിടവരും. 

അത്തം: ഉദ്യോഗത്തിനു പുറമേ ലാഭശതമാന വ്യവസ്ഥകളോടു കൂടിയ പ്രവർത്തനങ്ങൾക്ക് തുടക്കം കുറിക്കും. മഹദ് വ്യക്തികളുടെ വാക്കുകൾ പലപ്പോഴും യുക്തമായ തീരുമാനം കൈക്കൊള്ളുവാൻ ഉപകരിക്കും.

ചിത്തിര: കലാകായിക മത്സരങ്ങളിൽ വിജയിക്കും. ഉദ്യോഗം ഉപേക്ഷിച്ച് ഉപരിപഠനത്തിന് ചേരും. 

ചോതി: സാഹചര്യങ്ങൾക്കനുസരിച്ച് വിദേശ ഉദ്യോഗം ഉപേക്ഷിച്ച് ജന്മനാട്ടിലേക്ക് പുറപ്പെടും. അവതരണശൈലിയിൽ മേലധികാരികളുെട അനുമോദനമുണ്ടാകും.  

വിശാഖം: ഉദാസീന മനോഭാവം ഉപേക്ഷിച്ച് പഠനകാര്യങ്ങളിൽ താൽപര്യം വർധിക്കും. അവധിയെടുത്ത് മംഗളകർമങ്ങളിൽ പങ്കെടുക്കും. 

അനിഴം: ഉദ്യോഗത്തോടനുബന്ധമായി ഉപരിപഠനത്തിന് ചേരും. അവധിയെടുത്ത് മംഗളകർമങ്ങളിൽ പങ്കെടുക്കും. 

തൃക്കേട്ട: ചികിത്സയിലെ പാർശ്വഫലങ്ങളാൽ അസ്വാസ്ഥ്യമനുഭവപ്പെടും. ഉത്തരവാദിത്തമുള്ള പുത്രന്റെ സമീപനത്താൽ ആശ്വാസം കണ്ടെത്തും. 

മൂലം: പ്രലോഭനങ്ങളിൽ അകപ്പെടരുത്. മറ്റുള്ളവരുടെ വിഷമാവസ്ഥകൾക്ക് ശാശ്വതപരിഹാരം കണ്ടെത്തുവാൻ സാധിക്കുന്നതിനാൽ കൃതാർഥനാകും. 

പൂരാടം: പ്രവൃത്തിമണ്ഡലങ്ങളിൽ നിന്നു സാമ്പത്തിക നേട്ടം കൈവരും. സഹകരണപ്രസ്ഥാനങ്ങൾക്ക് സാരഥ്യസ്ഥാനം വഹിക്കുവാനിടവരും.

ഉത്രാടം: അഭിമാനാർഹമായ പ്രവർത്തനം കാഴ്ചവയ്ക്കുവാൻ സാധിച്ചതിനാൽ ആത്മസാക്ഷാത്ക്കാരമുണ്ടാകും. പരനിന്ദ ഒഴിവാക്കുവാൻ സുഹൃത്തിന്റെ ഉപദേശം ഉപകരിക്കും. 

തിരുവോണം: സഹപ്രവർത്തകരുടെ സഹായസഹകരണത്തോടു കൂടി ഏറ്റെടുത്ത ജോലികൾ ചെയ്തുതീർക്കാനാകും. ഭൂമി ക്രയവിക്രയങ്ങളില്‍ ലാഭമുണ്ടാകും. സജ്ജനസംസർഗത്താൽ സദ്ചിന്തകൾ വർധിക്കും. 

അവിട്ടം: ഏറ്റെടുത്ത പ്രവർത്തനം കാഴ്ചവയ്ക്കുവാൻ കഠിപ്രയത്നം വേണ്ടിവരും. സഹോദരന്റെ നിർബന്ധങ്ങൾക്ക് വഴങ്ങി സ്വത്തു തർക്കത്തിൽ വിട്ടുവീഴ്ച വേണ്ടി വരും. 

ചതയം: കലാകായിക മത്സരങ്ങളിൽ പുനരാവിഷ്കാരത്തിന് ജനപ്രീതിക്ക് വഴിയൊരുക്കും. അര്‍ഥവ്യാപ്തിയോടുകൂടിയ വചനങ്ങൾ പുതിയ തൊഴിൽ ലഭിക്കുന്നതിനുള്ള സാധ്യതകളെ സൂചിപ്പിക്കുന്നു.

പൂരുരുട്ടാതി: പൊതുപ്രവർത്തനങ്ങളിൽ കൂടുതൽ വ്യാപൃതനാകുന്നതിനാൽ കുടുംബാംഗങ്ങളിൽ നിന്നു ശകാരം കേൾക്കും. അഭ്യൂഹങ്ങൾ പലതും ഉണ്ടാകുമെങ്കിലും സത്യാവസ്ഥ അന്വേഷിച്ചറിയാതെ പ്രതികരിക്കരുത്. 

ഉത്തൃട്ടാതി : വിദഗ്ധോപദേശത്താൽ ഹ്രസ്വകാല പദ്ധതികളിൽ പണം നിക്ഷേപിക്കും. കലാകായിക മത്സരങ്ങളിൽ വിജയിക്കും. വിനിമയവ്യത്യാസക്കുറവിനാൽ വിദേശബന്ധമുള്ള വ്യാപാരത്തിൽ നിന്നു പിന്മാറും. 

രേവതി: ഊഹക്കച്ചവടത്തിൽ നഷ്ടം സംഭവിക്കും. വ്യാപാരമേഖലയിൽ കാലോചിതമായ മാറ്റം വരുത്തുവാൻ നിർബന്ധിതനാകും.

Content Highlights: Weekly Prediction | Kanippayyur Narayanan Namboodiripad | Weekly Star Prediction | Star Prediction | 2023 August 20 to 26 | Manorama Astrology