‘ആളറിഞ്ഞ് കളിക്കടാ!’: മുള്ളൻപന്നിയെ പിടിക്കാൻ പോയ പുള്ളിപ്പുലിക്ക് കിട്ടി മുട്ടൻപണി! പക്ഷേ രക്ഷയില്ല

വന്യമൃഗങ്ങൾ തമ്മിലുള്ള പോരാട്ടങ്ങളുടെ വിഡിയോ സമൂഹമാധ്യമങ്ങളിൽ നിരവധി പ്രചരിക്കുന്നുണ്ട്. ചില കാഴ്ചകൾ ചിരിപ്പിക്കുകയും മറ്റുചിലത് വേദനിപ്പിക്കുകയും ചെയ്യുന്നു. മുള്ളൻപന്നിയെ പിടിക്കാൻ പോയ പുള്ളിപ്പുലിക്ക് കിട്ടുന്ന മുട്ടൻപണിയും പിന്നീടുണ്ടായ ട്വിസ്റ്റും നിമിഷനേരം കൊണ്ടാണ് വൈറലായത്.

റോഡിലൂടെ നീങ്ങുകയായിരുന്ന മുള്ളൻപന്നിയെ പിടിക്കാനായി പിന്നിൽ തന്നെ പുള്ളിപ്പുലി ഉണ്ടായിരുന്നു. വളരെ പതുക്കെ നടന്നുനീങ്ങിയ മുള്ളൻപന്നി ആക്രമിക്കപ്പെടാൻ സാധ്യതയുണ്ടെന്ന് മനസ്സിലായതോടെ മുള്ളുകൾ വിടർത്തി. ഇതോടെ എത്രയും വേഗം കീഴ്പ്പെടുത്തണമെന്ന ലക്ഷ്യത്തോടെ പുള്ളിപ്പുലി മുള്ളൻപന്നിക്കുമേൽ ചാടി വീണു. പക്ഷേ മുള്ളുകൾ കുടഞ്ഞ് മുള്ളൻപന്നി ഓടിരക്ഷപ്പെട്ടു. വായിലും ശരീരത്തിലും മുള്ളുകൾ തറച്ചതോടെ പുള്ളിപ്പുലി ഓട്ടം നിർത്തി. ശരീരത്തിലെ മുള്ളുകളെല്ലാം പറിച്ചുമാറ്റിയ ശേഷം പുള്ളിപ്പുലി മുള്ളൻപന്നിയെ കീഴ്‌പ്പെടുത്തുകയായിരുന്നു. 

തനിക്ക് കിട്ടിയ ഭക്ഷണം ആർക്കും നൽകാതെ കഴിക്കാമെന്ന് കരുതി പുള്ളിപ്പുലി മരക്കൊമ്പിൽ കയറിയെങ്കിലും പിന്നാലെ കഴുതപ്പുലി എത്തി. പിന്നീട് കണ്ടത് ഇരുവരും തമ്മിലുള്ള പോരാട്ടമായിരുന്നു. ഒടുവിൽ കഴുതപ്പുലി അവിടെനിന്നും പിൻവാങ്ങുകയായിരുന്നു.