പോയട്രി കില്ലർ അത് ഞാൻ തന്നെ

എഴുത്തുകാരെ തേടിയെത്തുന്ന കൊലയാളി. അയാൾ വിരലടയാളം പോലും അവശേഷിപ്പിക്കുന്നില്ല. പകരം മരണസ്ഥലത്തുനിന്ന് കിട്ടുന്നതാകട്ടെ, മനോഹരമായ കവിതകൾ. വരികൾക്കിടയിലുള്ളത് പിന്നാലെ സംഭവിക്കാനിരിക്കുന്ന കൊലപാതങ്ങളുടെ ജാതകം. ഇവയുടെ രഹസ്യം തേടി സമർത്ഥനായ ഒരു പോലീസ് ഉദ്യോഗസ്ഥ‍ൻ നടത്തുന്ന അന്വേഷണത്തിന്റെ കഥയാണ് ഈ നോവൽ . വായനക്കാരെ തെറ്റിധരിപ്പിച്ച് വളഞ്ഞ വഴിക്ക് നടത്താനുള്ള സ്ഥിരം കുബുദ്ധികൾ ഈ പുസ്തകം പ്രയോഗിക്കുന്നല്ല. ദിനക്കുറിപ്പുകളിലൂടെയും ഇന്റർവ്യൂകളിലൂടെയും  പത്രസമ്മേളനത്തിലെ ചോദ്യോത്തരങ്ങളിലൂടെയുമൊക്കെ അയത്നലളിതമായി കഥയെ പ്രത്യേകമട്ടില്‍ കൊണ്ടുപോകാനാണ് ശ്രമം .തെളിമയുള്ള ഭാഷശയും മികവുറ്റ എഡിറ്റിങ്ങും വഴി വായനാമുഹൂർത്തങ്ങളെ ചടുലവും ഉദ്വേഗഭരിതവുമാക്കി, വായനക്കാരെ ഒപ്പം നിര്‍ത്തുമെന്നുറപ്പാക്കാൻ സൂക്ഷ്മതയോടെയാണ് ശ്രീപാർവ്വതി ആ പുസ്തകം  എഴുതിയിട്ടുള്ളത് .