ലൈബ്രറിയിലെ കൊലപാതകം – ചാൾസ് ജെ. ഡട്ടൺ

അമേരിക്കയിലെ ഏറ്റവും പ്രശസ്തമായ ലൈബ്രറികളിലൊന്നിലെ ക്യാബിനിൽ ഒരു സ്ത്രീ കൊല്ലപ്പെടുന്നു. കൊലയ്ക്കു പിന്നിലെ ഉദ്ദേശ്യങ്ങളെക്കുറിച്ച് ക്രൈം റിപ്പോർട്ടർ കാർത്തിയും പൊലീസ് ചീഫ് റോഗനും വ്യത്യസ്ത നിഗമനങ്ങൾ വച്ചുപുലർത്തുമ്പോൾ, പ്രധാന ലൈബ്രേറിയൻ കൂടി കൊല്ലപ്പെടുന്നു. വിലപിടിച്ച പുസ്തകങ്ങളാണോ, മറ്റെന്തെങ്കിലുമാണോ കൊലയാളിയുടെ ലക്ഷ്യം? വിഷയം സങ്കീർണ്ണമായിത്തീർന്നതോടെ പ്രശസ്ത മന:ശ്ശാസ്ത്ര വിദഗ്ധൻ പ്രൊഫ. ഹാർളി അന്വേഷണത്തിന്റെ നേതൃത്വമേറ്റെടുക്കുന്നു. തുടർന്നും ദുരൂഹതയാർന്ന ആക്രമണങ്ങളും വിലയേറിയ പുസ്തകങ്ങള്‍ നഷ്ടപ്പെടുന്നതും തുടരുമ്പോൾ ഗ്രന്ഥാലയവും അതിനെ വലയംചെയ്യുന്ന ഭീതിദമായ അന്തരീക്ഷവും വളരുന്നു.