ADVERTISEMENT

അത്ഭുതങ്ങൾ പ്രതീക്ഷിക്കുമ്പോഴും

ഉള്ളു തരിശുനിലം പോലെ

പൊള്ളിയടരുകയാണ്..

കാരുണ്യത്തിന്റെ വാതായനങ്ങൾ

കൊട്ടിയടക്കപ്പെട്ടതിന്റെ നോവ്

ആത്മാവിനെ തെല്ലൊന്നുമല്ല

അലട്ടിക്കൊണ്ടിരിക്കുന്നത്..
 

ഗാസ-ഹൃദയത്തിന്റെ കേന്ദ്രം

ഇന്നു നീ മാത്രമാണെന്നു

ലോകം മുഴുവൻ കേൾക്കുമാറുച്ചത്തിൽ

എനിക്കു പ്രതിഷേധിക്കണമെന്നുണ്ട്-

എന്നിട്ടും എന്റെ ശബ്ദം

നേർത്തു നേർത്ത്..
 

ഒരു പിടച്ചിൽപോലും പുറത്തേക്കു

വരാതിരിക്കാൻ

കൈയ്യൂക്കുള്ള ഒരു ശത്രു മാത്രം

മതിയെന്നു

നീ വിളിച്ചു പറഞ്ഞു കൊണ്ടിരിക്കുന്നു.

എന്റെ ഹൃദയവും നിന്നേപ്പോലെ

മരിച്ചു കൊണ്ടിരിക്കുന്നു ഗാസ
 

ഞാൻ നിഷ്കൃയനായി-

ഉദാസനായി മാറുന്നത്

എന്നെ തെല്ലൊന്നുമല്ല

പേടിപ്പെടുത്തിക്കൊണ്ടിരിക്കുന്നതും!

മരിച്ചു വീഴുന്ന ഓരോ മനുഷ്യനും

ഇന്നു ഞാനാണ്; നമ്മളാണ്..!

English Summary:

Malayalam Poem ' Nertha Vilapangal ' Written by Ameena Basheer

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com