എ വയലന്റ് ടേൽ ജൂലൈ ഒന്നിന് റിലീസ് ചെയ്യും
Mail This Article
×
അരുൺലാൽ കഥ എഴുതി സംവിധാനം ചെയ്യുന്ന എ വയലന്റ് ടേൽ എന്ന ചിത്രം ജൂലൈ ഒന്നിന് ഒടിടി പ്ലാറ്റ്ഫോമിലൂടെ റിലീസ് ചെയ്യും. ഏകദേശം ഒരു ലക്ഷം രൂപ മാത്രം ചിലവഴിച്ച് തയാറാക്കിയിട്ടുള്ള മുഴുനീള ചിത്രമാണ് എ വയലന്റ് ടേൽ. 95 മിനിറ്റ് ദൈർഘ്യമുള്ള സിനിമ ക്രൈം ത്രില്ലർ ഗണത്തിൽപെടുന്നു.
ഹോളിവുഡിലെ പ്രധാന നിയോനോയർ സിനിമകൾ ഈ സിനിമയുടെ ആഖ്യാന രീതിക്ക് പ്രചോദനമായിട്ടുണ്ട്. 10 സുപ്രധാന കഥാപാത്രങ്ങളുടെ ജീവിതത്തെ ചുറ്റിപ്പറ്റിയാണ് സിനിമ സഞ്ചരിക്കുന്നത്. അപ്രതീക്ഷിതവും നടകീയവുമായ കുറെ സംഭവങ്ങളിലൂടെ കടന്നു പോകുന്ന ഈ സിനിമ പ്രവചനാതീതമായാണ് പര്യവസാനിക്കുന്നത്.
ജിതിൻ പി.ജി., ശ്യാം പ്രകാശ്, അഭിലാഷ്, ടീന ജോസഫ്, മിഥുൻ ഹരിദാസ്, അരുൺ ചന്ദ്രൻ എന്നിവരാണ് പ്രധാന അഭിനേതാക്കൾ. ഛായാഗ്രഹണവും എഡിറ്റിങും അരുൺലാൽ നിർവഹിക്കുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
