sections
MORE

ഉണക്കമീനും മാങ്ങയും നാടൻ രുചിയിൽ

SHARE

നാവിൽ കൊതിയൂറുന്നൊരു നാടൻ വിഭവമാണ് ഉണക്കമീനും മാങ്ങയും തേങ്ങ അരച്ച് കറിവച്ചത്. ഈ ഒരു കറിയുണ്ടെങ്കിൽ എത്ര ചോറുണ്ടാലും മതിവരില്ല.

ചേരുവകൾ

  • ഉണക്കമീൻ – ¼ കിലോഗ്രാം (വെള്ളത്തിലിട്ട് കുതിർത്ത് ഉപ്പ് കളഞ്ഞ് വൃത്തിയാക്കി എടുത്തത്)
  • മാങ്ങാ ചെറുതായി അരിഞ്ഞത് – ഒരു കപ്പ് (അധികം പുളിയില്ലാത്ത പച്ചമാങ്ങ ഒരിഞ്ചു നീളത്തിൽ കഷണങ്ങളാക്കിയത്)
  • ഉള്ളി – 6 എണ്ണം
  • പച്ചമുളക് – 6
  • ഇഞ്ചി കനം കുറച്ച് അരിഞ്ഞത് – 1 ടീസ്പൂൺ
  • വെളുത്തുള്ളി – 6 അല്ലി
  • മഞ്ഞൾപ്പൊടി – ½ ടീസ്പൂൺ
  • മുളകുപൊടി – 1 ടീസ്പൂൺ
  • മല്ലിപ്പൊടി – 1 ടീസ്പൂൺ
  • ഉപ്പ് – ആവശ്യത്തിന്
  • വെള്ളം – ആവശ്യത്തിന്
  • തേങ്ങാ ചിരകിയത് – 1 ½ കപ്പ്
  • എണ്ണ – ആവശ്യത്തിന്
  • ഉലുവ – ഒരു നുള്ള്
  • കടുക് – ½ ടീസ്പൂൺ
  • കറിവേപ്പില – ആവശ്യത്തിന്

തയാറാക്കുന്ന വിധം

  • ചുവടു കട്ടിയുള്ള പാത്രത്തിൽ ഉണക്കമീൻ, മാങ്ങാ കഷ്ണങ്ങൾ, ഉള്ളി,പച്ചമുളക്, ഇഞ്ചി വെളുത്തുള്ളി എന്നിവ ഇടുക. ഇതിലേക്ക് മഞ്ഞൾപ്പൊടി, മല്ലിപ്പൊടി, മുളകുപൊടി വളരെ കുറച്ച് ഉപ്പും ചേർത്ത് യോജിപ്പിച്ചെടുക്കുക.
  • ആവശ്യത്തിന് വെള്ളം ഒഴിച്ച് മൂടി വച്ച് വേവിക്കുക. തിളച്ചു കഴിയുമ്പോൾ ഇതിലേക്ക് തേങ്ങാ അരച്ചത് ചേർത്ത് അഞ്ച് മിനിറ്റ് തീ കുറച്ച് വയ്ക്കുക. 5 മിനിറ്റിനു ശേഷം തീ ഓഫ് ചെയ്യാം. ഇതിലേക്ക് കടുക് വറുത്ത് ഒഴിക്കാം.
  • പാനിൽ എണ്ണ ചൂടായിക്കഴിയുമ്പോൾ കടുക്, ഉലുവ, ചുവന്നുള്ളി, ഉണക്കമുളക്, കറിവേപ്പില എന്നിവയിട്ട് ഉലർത്തി ഒഴിച്ച് ഉപയോഗിക്കാം.

Note - നാടൻ കറിയുടെ സ്വാദു കിട്ടണമെങ്കിൽ വെളിച്ചെണ്ണയിൽ തന്നെ കറി പാകപ്പെടുത്തിയെടുക്കണം.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN MRS K M MATHEW'S RECIPES
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA