എരിപൊരി കാന്താരി ചമ്മന്തി ; പഴമയുടെ രുചിക്കൂട്ട്

ചതച്ച് എടുത്ത ചെറിയ ഉള്ളിയും കാന്താരിമുളകും വെളിച്ചെണ്ണ ചേർത്തു യോജിപ്പിച്ച് എടുത്ത് എളുപ്പത്തിൽ തയാറാക്കാവുന്ന രുചിക്കൂട്ട്.

ചേരുവകൾ

• ചെറിയ ഉള്ളി - 12 എണ്ണം
• കാന്താരി മുളക് - 3എണ്ണം
• കറിവേപ്പില - 3 എണ്ണം
• വെളിച്ചെണ്ണ - 1 ടീസ്പൂൺ 
• ഉപ്പ് - ആവശ്യത്തിന്

തയാറാക്കുന്ന വിധം

• ചെറിയ ഉള്ളിയും കുറച്ച് ഉപ്പും ചേർത്ത് ഒന്ന് ചതയ്ക്കുക. 
• അതിലേക്കു കാന്താരി മുളകും കറിവേപ്പിലയും കൂടി ചേർത്തു നന്നായി ചതച്ചെടുക്കുക. 
• പാത്രത്തിലേക്കു മാറ്റിയ ശേഷം വെളിച്ചെണ്ണ തൂവി കൊടുക്കാം.
• (കാന്താരി മുളകിനു പകരം പച്ചമുളകും ഉപയോഗിക്കാം). 
• കപ്പയുടെ കൂടെയും ദോശ, ഇഡ്ഡലി എന്നിവയുടെ കൂടെയും കഴിക്കാം.

Content Summary : Kanthari chammanthi nadan recipe.