പ്രാതലിനാകാം കൊതിപ്പിക്കുന്നൊരു കൊത്ത് ഇടിയപ്പം

പ്രഭാതഭക്ഷണം പ്രധാനഭക്ഷണം എന്നാണല്ലോ. ഇടിയപ്പം കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്നൊരു വിഭവമാണ്, ഇടിയപ്പം കൊണ്ട് തയാറാക്കാവുന്ന വ്യത്യസ്തവും രുചികരവുമായ കൊത്ത് ഇടിയപ്പത്തിന്റെ കൊതിപ്പിക്കുന്ന രുചിക്കൂട്ട് പരിചയപ്പെടാം.

1. ചിക്കൻ എല്ലില്ലാതെ – കാൽ കിലോ

2. മുളകുപൊടി – ഒരു ചെറിയ സ്പൂൺ
   മല്ലിപ്പൊടി – ഒരു ചെറിയ സ്പൂൺ
   ഗരം മസാല – ഒരു ചെറിയ സ്പൂൺ
   മഞ്ഞൾപ്പൊടി – അര ചെറിയ സ്പൂൺ
   ഉപ്പ് – പാകത്തിന്
   തേങ്ങാപ്പാൽ – ഒരു കപ്പ്

3. എണ്ണ –മൂന്നു ചെറിയ സ്പൂൺ

4. സവാള – രണ്ട്, പൊടിയായി അരിഞ്ഞത്
   ഇഞ്ചി – ഒരു കഷണം, പൊടിയായി അരിഞ്ഞത്

5. ഉപ്പ് – പാകത്തിന്

6. തക്കാളി – ഒന്ന്, പൊടിയായി അരിഞ്ഞത്
   മല്ലിയില, കറിവേപ്പില – പാകത്തിന്

7. ഇടിയപ്പം – 10, അടർത്തിയത്

പാകം ചെയ്യുന്ന വിധം

∙ചിക്കൻ രണ്ടാമത്തെ ചേരുവ ചേർത്തു വേവിച്ചു ചൂടാറിയ ശേഷം മിക്സിയിൽ ഒന്നടിച്ചു വയ്ക്കണം.

∙പാനിൽ എണ്ണ ചൂടാക്കി സവാളയും ഇഞ്ചിയും വഴറ്റുക. അൽപം ഉപ്പും ചേർത്തു വഴറ്റണം. ഇതിൽ ചിക്കൻ ചേർത്ത് ഉലർത്തിയെടുക്കുക.

∙ഇടിയപ്പം ചേർത്തു പൊടിഞ്ഞു പോകാതെ ഇളക്കി യെടുക്കാം.