ചിക്കൻ 65 അല്ല ചിക്കൻ 70 ; കല്ല്യാണ സദ്യയ്ക്ക് വിളമ്പുന്ന രുചിയിൽ
Mail This Article
×
നമ്മുടെ നാട്ടിൽ പൊതുവെ വിവാഹത്തിന് ഒഴിച്ച് കൂടാൻ പറ്റാത്ത ഒരു ഐറ്റം ആണ് ചിക്കൻ 65 എന്ന പേരിൽ അറിയപ്പെടുന്ന ഈ ചിക്കൻ ഫ്രൈ .ഇത് ശെരിക്കും 65 അല്ല ,ചിലർ ചിക്കൻ 70 എന്നും പറയും .പക്ഷെ വളരെ നല്ല ടേസ്റ്റ് ആണ് ഇതിന്. കാറ്ററിംഗ് ചെയ്യുന്നവർ ഇതിൽ സർവ സാധനങ്ങളും ചേർക്കും .അതിന്റെ റെസിപ്പി എങ്ങനെ എന്ന് നോക്കിയാലോ ?
- ചിക്കൻ – 1 കിലോഗ്രാം
- മുളകുപൊടി – 2 ടേബിൾസ്പൂൺ
- മഞ്ഞൾപ്പൊടി – 1 ടീസ്പൂൺ
- ഉപ്പ് – ആവശ്യത്തിന്
- ഗരംമസാല – 1/2 ടീസ്പൂൺ
- എണ്ണ – വറുക്കാൻ ആവശ്യത്തിന്
ചിക്കൻ കഴുകി വെള്ളം വാർന്നതിനു ശേഷം മസാല പുരട്ടി ഒരു മണിക്കൂർ വെച്ചതിനു ശേഷം വറുത്തെടുത്തു മാറ്റിവയ്ക്കുക.
മസാല തയാറാക്കാൻ
- എണ്ണ – 50 ഗ്രാം
- സവാള അരിഞ്ഞത് – 200 ഗ്രാം
- പച്ചമുളക് – 5 എണ്ണം
- ഇഞ്ചി– വെള്ളുള്ളി ചതച്ചത് – 50 ഗ്രാം
- ഉണക്ക മുളക് തരിയായി പൊടിച്ചത് – 1 ടേബിൾസ്പൂൺ
- ഉണക്ക മുളക് – 2 എണ്ണം
- ചില്ലി, സോയ, ടൊമാറ്റോ സോസ് – ആവശ്യത്തിന്
- മല്ലിയില – 25 ഗ്രാം
- ഉപ്പ് – ആവശ്യത്തിന്
തയാറാക്കുന്ന വിധം
ചുവട് കട്ടിയുള്ള പാത്രത്തിൽ എണ്ണ ചൂടാക്കി സവാള മുതൽ ഉള്ള എല്ലാ ചേരുവകളും വഴറ്റി എടുക്കുക .അതിലേക് സോസും ചേർത്ത് ഇളക്കി ചിക്കനും ചേർത്ത് ഡ്രൈയാക്കി എടുക്കാം.
English Summary: Chicken 65 Recipe
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.