ഇന്ത്യൻ ഓയിൽ കോർപറേഷൻ സൗത്ത് റീജൻ വിവിധ വിഭാഗങ്ങളിൽ അപ്രന്റിസ്‌ഷിപ്പിന് അപേക്ഷ ക്ഷണിച്ചു. 420 ഒഴിവുകളാണുള്ളത്. കേരളം, തമിഴ്നാട്, പുതുച്ചേരി, കർണാടക, തെലങ്കാന, ആന്ധ്രപ്രദേശ് എന്നിവിടങ്ങളിലാണ് അവസരം. കേരളത്തിൽ 56 ഒഴിവുകളുണ്ട്. ഓൺലൈനായാണ് അപേക്ഷിക്കേണ്ടത്. അപേക്ഷ സ്വീകരിക്കുന്ന അവസാന തീയതി: ഫെബ്രുവരി 10.
യോഗ്യത
ടെക്നിക്കൽ ട്രേഡ് അപ്രന്റിസ്: പത്താം ക്ലാസ് ജയവും ഫിറ്റർ/ ഇലക്ട്രീഷ്യൻ/ ഇലക്ട്രോണിക് മെക്കാനിക്/ ഇൻസ്ട്രമെന്റ് മെക്കാനിക്/ മെഷീനിസ്റ്റ് ട്രേഡിൽ രണ്ടു വർഷത്തെ ഫുൾ ടൈം ഐടിഐയും.
ടെക്നീഷ്യൻ അപ്രന്റിസ്: മെക്കാനിക്കൽ/ ഇലക്ട്രിക്കൽ/ ഇൻസ്ട്രമെന്റേഷൻ/ സിവിൽ/ ഇലക്ട്രിക്കൽ ആൻഡ് ഇലക്ട്രോണിക്സ്/ ഇലക്ട്രോണിക്സ് എൻജിനീയറിങ്ങിൽ 50% മാർക്കിൽ കുറയാതെ ഫുൾടൈം ത്രിവത്സര ഡിപ്ലോമ.
നോൺ– ടെക്നിക്കൽ ട്രേഡ് അപ്രന്റിസ്– അക്കൗണ്ടന്റ്: ഏതെങ്കിലും വിഷയത്തിൽ 50% മാർക്കിൽ കുറയാതെ മൂന്നു വർഷത്തെ ഫുൾടൈം ബിരുദം. എസ്‌സി/ എസ്ടി വിഭാഗക്കാർക്ക് 45% മാർക്കു മതി.
പ്രായം: 18–24 വയസ്. 2018 ഡിസംബർ 31 അടിസ്‌ഥാനമാക്കി പ്രായം കണക്കാക്കും.
അപേക്ഷിക്കേണ്ട വിധം: https://www.iocl.com/peoplecareers/job.aspx എന്ന വെബ്സൈറ്റ് ലിങ്ക് വഴി ഓൺലൈനായി അപേക്ഷിക്കാം.
വിശദവിവരങ്ങൾക്ക്: www.iocl.com
Job Tips >>