എത്ര കേട്ടാലും മതിവരില്ല; ഈ ചക്കരക്കുട്ടിയുടെ 'ചന്ദ്രകളഭം'

തലമുറകൾക്ക് അതീതമാണു ചിലഗാനങ്ങൾ. എത്ര കേട്ടാലും മതിവരില്ല. അത്തരത്തിൽ ഒരു ഗാനമാണ് യേശുദാസ് പാടി അനശ്വരമാക്കിയ 'ചന്ദ്രകളഭം ചാർത്തി ഉറങ്ങും തീരം'. കാലാതീതമാണ് ഈ ഗാനമെന്ന് ഒരിക്കൽ കൂടി ഓർമിപ്പിക്കുകയാണ് ഈ കുഞ്ഞു ഗായിക. 

രണ്ടോ മൂന്നോ വയസ്സു പ്രായം കാണും വൈഗയ്ക്ക് അതിമനോഹമാരമായി അവള്‍ പാടുകയാണ്.

'ചന്ദ്ര കളഭം ചാർത്തി ഉറങ്ങും തീരും 

ഇന്ദ്രധനുസ്സിൻ തൂവൽ പൊഴിയും തീരും

ഈ മനോഹര തീരത്തു തരുമോ 

ഇനിയൊരു ജൻമം കൂടി.'

വരികൾ അത്ര വ്യക്തമല്ലെങ്കിലും ആലാപന മാധുരി മനോഹരം. സമൂഹമാധ്യമങ്ങളിൽ വൈറലാകുകയാണ് ഇപ്പോൾ ഈ പാട്ട്. നിരവധിപേർ പങ്കുവെക്കുകയും ചെയ്തു. കുഞ്ഞുഗായികയുടെ ആലാപന മാധുരിയെ പ്രശംസിക്കുകയാണ് സോഷ്യൽ ലോകം. 

വയലാർ രാമവർമയുടെതാണ് അതിമനോഹരമായ വരികൾ. ജി. ദേവരാജന്റെ സംഗീതം. 1975ൽ പുറത്തിറങ്ങിയ കൊട്ടാരം വിൽക്കാനുണ്ട് എന്ന ചിത്രത്തിലേതാണു ഗാനം.