sections
MORE

വാങ്ങാൻ ആളുണ്ടോ? ലോകത്തിലെ ഏറ്റവും വിലയേറിയ വീട് വിൽപനയ്ക്ക്!

villa-de-sedres-france
SHARE

ആഡംബര വീടുകളെ കുറിച്ചുള്ള ചിന്തകൾ ഉദിക്കുന്നതിനു മുൻപ് പണിത ലക്ഷണമൊത്ത ആഡംബര വീട്. ദക്ഷിണ ഫ്രാൻസിലുള്ള വില്ല സെഡ്രിസിനെ ഇങ്ങനെ വിശേഷിപ്പിക്കാം. വിശാലമായ 35 ഏക്കറിൽ സ്ഥിതി ചെയ്യുകയാണ് 187 വർഷം പഴക്കമുള്ള ഈ ബംഗ്ലാവ്. 1830 ൽ ബെൽജിയൻ രാജകുടുംബത്തിനായി നിർമിച്ച ബംഗ്ലാവാണിത്. പിന്നീട് പല നൂറ്റാണ്ടുകളായി പല വഴി കൈമാറപ്പെട്ടു. നിലവിൽ  ഫ്രാൻസിലെ റിയൽ എസ്റ്റേറ്റ് ഗ്രൂപ്പായ ഡേവിഡ്-മിലാനോയുടെ കൈവശമാണ് ബംഗ്ലാവ്.  

villa-de-sedres-lawn

18000 ചതുരശ്രയടിയിൽ നിർമിച്ച ബംഗ്ലാവിൽ 14 കിടപ്പുമുറികൾ, വിശാലമായ സ്വിമ്മിങ് പൂൾ, 3000 ലേറെ പുസ്തകങ്ങൾ അടങ്ങുന്ന ലൈബ്രറി, 30 കുതിരകളെ ഉൾക്കൊള്ളുന്ന ലായം എന്നിവയാണ് ഹൈലൈറ്റ്.

villa-de-sedres-balcony

അതിവിശാലമായ അകത്തളങ്ങൾ. വിശിഷ്ടമായ ഓക്ക് മരത്തിലാണത്രെ പാനലിങ് ചെയ്തിരിക്കുന്നത്. 19 –ാം നൂറ്റാണ്ടിലെ വിഖ്യാത ചിത്രങ്ങൾ ചുവരുകൾ അലങ്കരിക്കുന്നു. ആന്റിക്ക് ഭംഗിയുള്ള ഷാൻലിയറുകൾ സീലിങ്ങിൽ പ്രകാശം പൊഴിക്കുന്നു.

villa-de-sedres-hall

410 മില്യൺ ഡോളറിനാണ് ബംഗ്ലാവ് മാർക്കറ്റിൽ ലിസ്റ്റ് ചെയ്തിരിക്കുന്നത്. അതായത് ഏകദേശം 2780 കോടി രൂപ. വില്ല സെഡ്രിസിനേക്കാൾ മൂല്യമുള്ള ആഡംബരവസതികൾ ലോകത്ത് പലതുമുണ്ടെങ്കിലും നിലവിൽ വിൽപ്പനയ്ക്ക് വച്ചിരിക്കുന്ന ഏറ്റവും ചെലവേറിയ വീട് എന്ന ബഹുമതി സെഡ്രിസിനുതന്നെ.

villa-de-sedres-inside

ഇറ്റലിയെയും ഫ്രാൻസിനെയും വേർതിരിക്കുന്ന ആൽപ്സ്  പർവ്വതനിരകളുടെ ഏറ്റവും മനോഹരകാഴ്ചകൾ ആസ്വദിക്കാവുന്ന ഇടം എന്ന പ്രത്യേകതയുമുണ്ട് ബംഗ്ലാവ് സ്ഥിതി ചെയ്യുന്ന സ്ഥലത്തിന്.

villa-de-sedres-pool

രാജകീയ ചരിത്ര പാരമ്പര്യവും, ലൊക്കേഷനും, ആഡംബരങ്ങളുമെല്ലാം വിലയിരുത്തുമ്പോൾ ഈ വില നീതീകരിക്കാവുന്നതാണെന്ന് റിയൽ എസ്റ്റേറ്റ് ഉടമകൾ പറയുന്നു. എന്തായാലും 2017  ലിസ്റ്റ് ചെയ്ത പ്രോപ്പർട്ടി വിറ്റുപോയാൽ റിയൽഎസ്റ്റേറ്റ് മേഖലയിൽ അതൊരു ചരിത്രമാകുമെന്നു തീർച്ച.

villa-de-sedres-view
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN FIRST SHOT
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA