sections
MORE

സിനിമ പരാജയം; പ്രതിഫലം തിരികെ നൽകി സായി പല്ലവി

Sai Pallavi New Latest HD Photos Fidaa Movie Heroine Sai Pallavi Photo Shoot Images
SHARE

സിനിമ പരാജയമായതിനെ തുടര്‍ന്ന് പ്രതിഫലത്തുക വേണ്ടെന്ന് വെച്ച് നടി സായി പല്ലവി. തെലുങ്ക് ചിത്രമായ ‘പടി പടി ലെച്ചേ മനസു’ലെ പ്രതിഫലമാണ് സായ് പല്ലവി വേണ്ടെന്ന് വെച്ചത്. 

ഏകദേശം 22 കോടി ബജറ്റിൽ റിലീസ് ചെയ്ത ചിത്രം കലക്‌ഷനിൽ ആകെ നേടിയത് 8 കോടി രൂപ മാത്രമാണ്. ഇതിലൂടെ വലിയ സാമ്പത്തിക നഷ്ടമാണ് സിനിമയുടെ നിർമാതാക്കൾക്കും വിതരണക്കാർക്കും ഉണ്ടായത്.

ഹനു രാഘവപുഡി സംവിധാനം ചെയ്ത ചിത്രത്തിൽ സായി പല്ലവിയും ശർവാനന്ദുമാണ് പ്രധാനവേഷത്തിൽ എത്തിയത്. ആന്ധ്രപ്രദേശിലും തെലങ്കാനയിലും ചിത്രം റിലീസ് ചെയ്തിരുന്നെങ്കിലും കാര്യമായ ചലനം സൃഷ്ടിക്കാനായില്ല.

ചിത്രം ഇറങ്ങുന്നതിനും മുമ്പ് ഇതിലെ പാട്ടുകള്‍ ഏറെ ശ്രദ്ധിക്കപ്പെ ട്ടിരുന്നെങ്കിലും ചിത്രം വേണ്ടത്ര വിജയം നേടിയില്ല. 22 കോടി രുപയ്ക്ക് വിറ്റു പോയ ചിത്രത്തിന് ബോക്‌സ് ഓഫീസില്‍ നിന്നും എട്ടു കോടി രൂപ മാത്രമാണ് സ്വന്തമാക്കാനായത്.

അഡ്വാന്‍സായി കുറച്ച് തുക സായ് പല്ലവി കൈപ്പറ്റിയിരുന്നു. പ്രതിഫലത്തിന്റെ ബാക്കി തുക നല്‍കാന്‍ നിർമാതാക്കള്‍ സമീപിച്ചപ്പോഴാണ് ആ തുക താരം സ്വീകരിക്കാതിരുന്നത്. ഏകദേശം 40 ലക്ഷത്തോളം രൂപയാണ് സായ് പ്രതിഫലയിനത്തില്‍ വേണ്ടെന്ന് വെച്ചത്. ചിത്രം പരാജയപ്പെട്ടതിനെ തുടര്‍ന്ന് വന്‍ പ്രയാസത്തിലായിരുന്ന നിർമാതാക്കള്‍ക്ക് സായിയുടെ നിലപാട് ചെറിയ ആശ്വാസമല്ല നല്‍കിയത്. സായി പല്ലവിയുടെ തീരുമാനത്തെ പ്രകീര്‍ത്തിച്ച് നിരവധി നിര്‍മാതാക്കളാണ് രംഗത്ത് വന്നിരിക്കുന്നത്.

ഫിദ എന്ന ചിത്രത്തിലൂടെ തെലുങ്കില്‍ അരങ്ങേറ്റം കുറിച്ച സായിക്ക് അവിടെയും ആരാധകര്‍ ഏറെയാണ്. ഫിദക്ക് ശേഷം മിഡില്‍ ക്‌ളാസ് അബ്ബായി, കണം തുടങ്ങിയ ചിത്രങ്ങള്‍ക്ക് പിന്നാലെ തിയറ്ററില്‍ എത്തിയ സായിയുടെ ചിത്രമായിരുന്നു പടി പടി ലെച്ചേ മനസു. 

തമിഴ് ചിത്രമായ മാരി 2 വാണ് സായ് പല്ലവിയുടേതായി അവസാനമെത്തിയ ചിത്രം. ധനുഷ് നായകനായെത്തിയ ചിത്രം മികച്ച വിജയമാണ് നേടിയത്. സൂര്യ നായകനാകുന്ന എൻജികെ, ഫഹദുമൊത്തൊരു ചിത്രം എന്നിവയാണ് നടിയുടെ പുതിയ പ്രോജക്ടുകൾ.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
MORE IN MOVIE NEWS
SHOW MORE
FROM ONMANORAMA