sections
MORE

ആലപ്പാട് സമരം തുടരുന്നത് ദൗർഭാഗ്യകരം; സ്ഥലം സന്ദർശിക്കും: ഇ.പി. ജയരാജൻ

Aalappad sand mining
SHARE

തിരുവനന്തപുരം∙ ആലപ്പാട് ഖനനം നിർത്തണമെന്ന് ആവശ്യപ്പെട്ട് സമരം തുടരുന്നത് ദൗർഭാഗ്യകരമാണെന്ന് വ്യവസായമന്ത്രി ഇ.പി. ജയരാജൻ. സമരക്കാർ പുറത്തുനിന്നുള്ളവരാണെന്ന വാദം ശരിയാണെന്നു സ്ഥലം സന്ദർശിച്ചാൽ വ്യക്തമാകുമെന്നും അദ്ദേഹം കൂട്ടിച്ചേർത്തു. മന്ത്രി ആലപ്പാട് സന്ദർശിക്കും.

ഖനനം പൂര്‍ണമായി നിര്‍ത്തണമെന്ന ആവശ്യത്തിലുറച്ച് സമരസമിതി നിന്നതോടെ വ്യാഴാഴ്ച ജയരാജനുമായി നടത്തിയ ചര്‍ച്ച പരാജയപ്പെട്ടിരുന്നു. ഒരുമാസത്തേക്ക് സീ വാഷിങ് നിര്‍ത്താമെന്ന സര്‍ക്കാര്‍ നിലപാട് സമരസമിതി തളളി. ഖനനം കൊണ്ട് നാട്ടുകാര്‍ക്ക് ഗുണമില്ല, അറിയാത്ത കാര്യങ്ങളാണ് മന്ത്രി പറയുന്നതെന്നും നേരിട്ടുവന്ന് സ്ഥിതി മനസിലാക്കണമെന്നും സമരസമിതി ആവശ്യപ്പെട്ടിരുന്നു.

കരിമണല്‍ ശേഖരണത്തെപ്പറ്റി വിദഗ്ധസമിതിയുടെ റിപ്പോര്‍ട്ട് വരുംവരെ സീ വാഷിങ് പ്രവർത്തനം നിയന്ത്രിക്കാമെന്നായിരുന്നു മന്ത്രിയുടെ നിർദേശം.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
MORE IN LATEST NEWS
SHOW MORE
FROM ONMANORAMA