sections
MORE

ഇന്ത്യക്കാർ ജോലി ചെയ്യുന്ന 2 കപ്പലുകൾക്ക് റഷ്യൻ കടലിടുക്കിൽ തീപിടിച്ചു; 11 മരണം

Kerch-Strait-SHIP-FIRE
SHARE

മോസ്കോ∙ റഷ്യയ്ക്കു സമീപം കെർഷ് കടലിടുക്കിൽ ഇന്ത്യൻ ജീവനക്കാർ അടക്കം ജോലി ചെയ്യുന്ന രണ്ടു കപ്പലുകൾക്ക് തീപിടിച്ച് 11 പേർ മരിച്ചു. ടാൻസാനിയൻ കപ്പലുകളായ കാൻഡി, മാസ്ട്രോ എന്നിവയ്ക്കാണ് തീപിടിച്ചത്. ഇന്ധനം നിറയ്ക്കുന്നതിനിടെയാണ് അപകടം. കാൻഡിയിൽ 9 തുർക്കിഷ് പൗരന്മരും 8 ഇന്ത്യൻ പൗരന്മാരും അടക്കം 17 ജീവനക്കാരും മാസ്ട്രോയിൽ 7 വീതം തുർക്കിഷ് പൗരന്മാരും ഇന്ത്യൻ പൗരന്മാരും ഒരു ലിബിയൻ പൗരനും അടക്കം 15 ജീവനക്കാരുമാണുള്ളത്.

സംഭവസ്ഥലത്തേയ്ക്ക് കൂടുതൽ രക്ഷാപ്രവർത്തകർ പോകുന്നുണ്ടെന്നു റഷ്യൻ വാർത്താ ഏജൻസി റിപ്പോർട്ട് ചെയ്തു. 12 പേരേ ഇതുവരെ രക്ഷപെടുത്തി. 9 പേരേ കണ്ടെത്താനായിട്ടില്ല. സ്ഥലത്തെ പ്രതികൂല കാലാവസ്ഥ രക്ഷാപ്രവർത്തനങ്ങൾക്ക് തടസ്സമാകുന്നുണ്ടെന്നും വാർത്താ ഏജൻസി റിപ്പോർട്ടു ചെയ്തു.

അസോവ് കടലിനെ കരിങ്കടലുമായി ബന്ധിപ്പിക്കുന്നതാണ് കെർഷ് കടലിടുക്ക്. റഷ്യയ്ക്കു യുക്രെയ്നും തന്ത്രപ്രധാനമായ ജലപാതയുമാണ് കെർഷ് കടലിടുക്ക്. കഴിഞ്ഞ വർഷം മേയിൽ റഷ്യ ഇവിടെ പാലം നിർമിച്ചിരുന്നു.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
MORE IN LATEST NEWS
SHOW MORE
FROM ONMANORAMA