sections
MORE

എളുപ്പത്തിൽ ഉണ്ടാക്കാവുന്ന സോസേജ് കറി

സോസേജ് കറി
SHARE

നൂറ്റാണ്ടുകളായി മനുഷ്യ കുലം പിൻതുടരുന്ന മാംസാഹാര രീതിയുടെ  വൈവിധ്യമാണ് വിദേശിയായ "സോസേജ്".  വളരെ എളുപ്പത്തിലും വേഗത്തിലും സോസേജുപയോഗിച്ചുണ്ടാക്കാവുന്ന  രുചിക്കൂട്ട് പരിചയപ്പെടാം.

ചേരുവകൾ

1. സോസേജ് - 8 എണ്ണം
2. വെളിച്ചെണ്ണ - 1/4 കപ്പ്‌
3. ജീരകം - 1/4 ടീ സ്പൂൺ
4. പച്ചമുളക് - 1 ചെറുതായി അരിഞ്ഞത്
5. വെളുത്തുള്ളി -1/2 ടേബിൾ സ്പൂൺ
6. ഇഞ്ചി - 1/2 ടീ സ്പൂൺ
7. വലിയ ഉള്ളി - 1 ചെറുതായി അരിഞ്ഞത്
8. ഉപ്പ് - 1 ടീ സ്പൂൺ
9. തക്കാളി - 2 എണ്ണം
10. മുളക് പൊടി - 2 ടീ സ്പൂൺ
11. മല്ലി പൊടി - 2 ടീ സ്പൂൺ
12. ഗരം മസാല - 1/4 ടീ സ്പൂൺ
13. കറിവേപ്പില

തയാറാക്കുന്ന വിധം

• ഒരു പാനിൽ വെളിച്ചെണ്ണ 1/4 ടീസ്പൂൺ ഒഴിച്ച് ജീരകം, പച്ചമുളക്, വെളുത്തുള്ളി, ഇഞ്ചി എന്നിവ ചേർത്ത് പച്ച മണം മാറുന്ന വരെ വഴറ്റുക. 

• അതിന് ശേഷം വലിയ ഉള്ളി, ഉപ്പ് എന്നിവ ചേർത്ത് വഴറ്റുക. 

• അതിലേക്ക് തക്കാളി ചേർത്ത് മുളക് പൊടിയും മല്ലി പൊടിയും ചേർത്ത് നന്നായി വഴറ്റുക. 

• തക്കാളി വഴന്നു വരുമ്പോൾ സോസേജ് ചേർത്ത് നന്നായി യോജിപ്പിക്കുക. 

• അതിന് ശേഷം അടച്ചുവെച്ച് വേവിക്കുക. 

• തക്കാളിയിൽ നിന്നുള്ള വെള്ളത്തിൽ സോസേജ് വേവിക്കുകയാണ് നല്ലത്. വെള്ളം ആവശ്യമെങ്കിൽ മാത്രം ചേർക്കുക. 

• വെന്തു കഴിഞ്ഞാൽ കറി വേപ്പിലയും ഗരം മസാലയും ചേർത്തു വാങ്ങി വെയ്ക്കുക. 

• ചപ്പാത്തി, ചോറ് എന്നിവയ്ക്കൊപ്പം കഴിക്കാവുന്നതാണ്.  

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
MORE IN READERS' RECIPE
SHOW MORE
FROM ONMANORAMA