sections
MORE

നാട്ടുരുചിയിൽ വഴുതനങ്ങ നിറച്ചത്

brinjal-recipe
SHARE

ഇനി ചോറുണ്ണാൻ അധിക കറികളൊന്നും വേണ്ട , ഈ രുചിയൂറും വഴുതനങ്ങ നിറച്ചത് മതി .

 ചേരുവകൾ:

വഴുതനങ്ങ - 6 എണ്ണം ഞെട്ടോടു കൂടിയത്
സവാള - 1 ചെറുതായി അരിഞ്ഞത്
ഇഞ്ചി വെളുത്തുള്ളി അരിഞ്ഞത് - 1 ടേബിൾ സ്പൂൺ
തേങ്ങ ചിരകിയത് - അരക്കപ്പ്
തക്കാളി കുരുവും കാമ്പും കളഞ്ഞു അരിഞ്ഞത് - 1
മുളകുപൊടി - 1 ടീസ്പൂൺ
മഞ്ഞൾപൊടി - അരടീസ്പൂൺ
മല്ലിപ്പൊടി - 1 ടീസ്പൂൺ
ഗരം മസാല - കാൽ ടീസ്പൂൺ
ചെറിയ ജീരകം - അര ടീസ്പൂൺ
വലിയ ജീരകം - അര ടീസ്പൂൺ
ചെറിയ ഉള്ളി - 6 എണ്ണം അരിഞ്ഞത്
വെളിച്ചെണ്ണ - 5 ടേബിൾസ്പൂൺ
ഉപ്പ് - ആവശ്യത്തിന്
മല്ലിയില - അലങ്കരിക്കാൻ

തയാറാക്കുന്ന വിധം: 

ഒരു പാനിൽ രണ്ടു ടേബിൾസ്പൂൺ എണ്ണ ഒഴിച്ചു സവാള , ഇഞ്ചി വെളുത്തുള്ളി ,തേങ്ങ , തക്കാളി , മുളകുപൊടി , മഞ്ഞൾപ്പൊടി , മല്ലിപ്പൊടി , ഗരം മസാല , ഉപ്പു ചേർത്തു നന്നായി മൂപ്പിച്ചെടുക്കുക , തണുത്തതിനു ശേഷം നന്നായി അരച്ചെടുക്കുക . ഓരോ വഴുതിനിങ്ങയുമെടുത്തു അറ്റം പിളരാതെ നാലിതൾ പോലെ കീറിയെടുക്കുക , ഇതിന്റെ ഉള്ളിലായി അരച്ചു വെച്ച മസാല സ്റ്റഫ് ചെയ്തെടുക്കുക . ഒരു പാനിൽ എണ്ണ ഒഴിച്ചു ചൂടാകുമ്പോൾ ചെറിയജീരകം, വലിയ ജീരകം, ചെറിയ ഉള്ളി ചേർത്തു മൂപ്പിച്ചെടുക്കുക, ഇതിലേക്കു സ്റ്റഫ് ചെയ്ത വഴുതനങ്ങ ചേർത്തു ആവശ്യത്തിന് ഉപ്പുമിട്ട് അടച്ചു വെച്ചു 5 മിനുട്ട് വേവിച്ചെടുക്കുക. വഴുതനങ്ങ വെന്തുകഴിഞ്ഞാൽ തുറന്നുവെച്ചു തിരിച്ചിട്ടു കൊടുത്തു നന്നായി മൊരിച്ചെടുക്കുക . മല്ലിയില ചേർത്തു ചൂടോടെ വിളമ്പാം

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
MORE IN READERS' RECIPE
SHOW MORE
FROM ONMANORAMA