കൊല്ലം ∙ ദേശീയ ജൂനിയർ വനിതാ ഹോക്കി ചാംപ്യൻഷിപ് ആശ്രാമം ഹോക്കി സ്റ്റേഡിയത്തിൽ ഇന്നു തുടങ്ങും.
രാവിലെ 7.30ന് ബി ഡിവിഷനിലെ ആദ്യ മത്സരത്തിൽ ഭോപാൽ മധ്യപ്രദേശിനെ നേരിടും. തുടർന്ന് ആന്ധ്രപ്രദേശ് – ഗോവ, തമിഴ്നാട്- ബെംഗളൂരു, രാജസ്ഥാൻ - ഹിമാചൽ, അസം - മധ്യഭാരത്, ജമ്മു കശ്മീർ-പട്യാല, സായി ഗുജറാത്ത്– ഗുജറാത്ത് മത്സരങ്ങൾ നടക്കും. ആതിഥേയരായ കേരളത്തിന്റെ ആദ്യ മത്സരം ഇന്നു വൈകിട്ട് 6ന് തെലങ്കാനയോടാണ്.
കഴിഞ്ഞ തവണ റാഞ്ചിയിൽ നടന്ന ചാംപ്യൻഷിപ്പിൽ കേരളം സെമി ഫൈനൽ വരെയെത്തിയിരുന്നു. എൻ.രേഷ്മയാണു കേരള ടീം ക്യാപ്റ്റൻ.
